افضل واغلى نعمه فى الوجود * امى اللى حبها جوايا ملوش حدود

كلنا عارفين قيمة امهاتنا بس امته هنقدر القيمه دى ؟
امته هنـــرد ليهم ولو ذره من افضـــــالهم عليــــنا ؟
امته هنسعـــــدهم ونظهر الابتســـــامه على وجوههم ؟
امته هنحسسهم انهم بينا ليهم وجود، واننا بيهم لنا وجود ؟

يلا كلنا نعمل كده، جرب كده اول ما تصحى من النوم قوم ورح لامك قولها كلمه حلوه وبوسه صغيره، اه بوسها، بوس ايديها بوس راسها وقولها كلمه حلوه.

والله هى مش محتاجه منك اكتر من كده ،صدقنى بعد ما تعمل كده هتحس بسعاده وراحة بال ملهاش حدود، وهى برده هيكون اسعد منها مفيش .

مش كفايه للام يوم واحد فى السنه، الام ليها حق علينا فى كل يوم من ايام السنه.

وانا ان شاء الله هبدأ وههدى امى كلمتين صغيرين عمرهم ما يعبروا عن اللى جوايا و بجد كل كلمه منها نابعه من جوا قلبى :

الى امى الحبـيـبه الغـالية * مش لاقى حاجه اهديـها
اى حاجه هتـكون تافهــة * الدنيـا كلـها مـا تكــفيـها
انا بحـب الدنيــــا ياربـى * علـشان عايشــه فيـــــها
انا امـوت وافارق الدنـيـا * ولا انى أفــارق عنيـــها
لو روحـت وسبـت الدنـيا * يـارب احفــظها واحميها
قدرنى يـــارب اخدمهـــا * وأعـيش وآخد بايديـــــها
بس تعيـش هى سـعيـــده * وانا اكـون تحـت رجليـها
طولى يارب فى عمـرها * وأعيش عمـرى كله ليـها
يااااااارب باركلى فيـــها * وسخرنى علــشان افديـها

بس ........ ولكم خالص تحياتى.