| ازاي تاكلي مع عريسك في فتره الخطوبه (كوميدي) للبنات وبس | |
|
|
كاتب الموضوع | رسالة |
---|
No_name......12
عدد المساهمات : 61 أفلام : 210 تاريخ التسجيل : 30/12/2009 العمر : 34
بطاقة الشخصية أغانى:
| موضوع: ازاي تاكلي مع عريسك في فتره الخطوبه (كوميدي) للبنات وبس الجمعة يناير 15, 2010 3:02 am | |
| [font=Arial]ازاي تاكلي مع عريسك في فتره الخطوبه (كوميدي)[/font]
---------------------------------------------------
آنستي العزيزة.. لو ربنا آراد.. واتخطبتي.. فإليكِ نصائحي حتى تأخذي بخطيبك من مركب الخطوبة إلِّي محدش عارف هاترسى على إيه .. إلى مثوااااه الأخير في قفص النسانيس
قصدي قفص الزوجية السعيد ..
أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز .. المهم نصائحي لك عند أي عزومة مع خطيبك.. إنت محتاجه شوية حركات نص كم
1 -الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا
2 -العيش أوعي تفضحينا وتقطعيه بسنانك.. ولا الرغيف نصين بإيدك وكلي نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي لوغي زي ماانتِي عايزة
3 -الشوووربة.. أبوس إيدك.. بند الشوربة ده مهم جدًاااا الشوربة تتشِرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزِك تنسي تمامًا.. السلطانية اللي بتلصقيها على بقك في البيت وتدلقي على روحك .. بالمعلقة وبدون صوت.. سخنة, ولعة , برضه من غير صوت وتسيبي تلت الطبق عالأقل.. مش تميليه.. عشان تلهطيها لآخر نقطة
4 -الرز طبعاً .. بيتّاكل بالشوكة.. أوعي إيدك تتمد على المعلقة وتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش بتاكليه
5-المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها في بؤك من سكات.. مش تشفطي المكرونة عود عود و تفضحينا
6 -السمك.. آه من السمك مشكلة.. شوفي.. بتفصلي اللحم عن الشوك إزاي..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. متقلبيش السمكة.. بلاش فلاحه شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده.. نصيحة
ماتكليش السمك خالص.. قولي مابحبش السمك وخلصي نفسك
7 -الجمبري.. -إذا كنتِ عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو في بيت بابّااااا.. واتنهّدي جامد وقولي.. برضه..؟؟؟ وتروحي قاطعة راس الجمبريّاية.. بالشوكة.. أنا في عرضك إنسي المصمصة دلوقتي
8 -البطاطس سواء مسلوقة أو محمرة.. أوعي تهرسيها وتدبيها على الرز وتدّي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي
9-الفاكهة.. لو الفاكهة فيها بزر.. طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي ع الترابيزة أوعي ياحبيبتي من نظام التفتفة للبزر.. إنسي
10 -ولما تخلّصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كده.. أنا قدامي أسبوع.. هابطّل أكل فيه وبعدين تمسكي الفوطة اللي دايمًا موجودة على التربيزة من غير لزمة.. وتبوسيها.. آل يعني بتمسحي بؤّك وبعدين تستأذني منه تعملي ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي و إديها أكل .. وبالهنا والشفاااااااااا
يا دي النيلة كل ده يحصل على العشا وليه القلق دا كله ما بلاشي من الدعوة كلها ما لوا كوزين الذره على الكورنيش و لا أحلى منه و مافيهوش العقد دي وربنا يجيب العواقب سليمه لحد ما تخلص فترة الخطوبه و ندبس بقى
وكل عام وانتم بخير ... ولكم خالص تحياتى..... | |
|
| |
???? زائر
| موضوع: رد: ازاي تاكلي مع عريسك في فتره الخطوبه (كوميدي) للبنات وبس الجمعة فبراير 05, 2010 9:24 am | |
| ههههههههههههههههههههههههههههه اسف جدا يامان على المداخله بس موضوع جامد تحياتى spider mando |
|
| |
No_name......12
عدد المساهمات : 61 أفلام : 210 تاريخ التسجيل : 30/12/2009 العمر : 34
بطاقة الشخصية أغانى:
| موضوع: رد: ازاي تاكلي مع عريسك في فتره الخطوبه (كوميدي) للبنات وبس الجمعة فبراير 05, 2010 3:04 pm | |
| شكرا يا حبيبى وعلى ايه الاسف ؟؟ | |
|
| |
حمزه الحديدى Admin
عدد المساهمات : 310 أفلام : 378 تاريخ التسجيل : 06/01/2010 العمر : 30
بطاقة الشخصية أغانى:
| موضوع: رد: ازاي تاكلي مع عريسك في فتره الخطوبه (كوميدي) للبنات وبس الإثنين فبراير 08, 2010 5:42 am | |
| موضوع بصراحه فى الجوون الحـــــــــــــــــــــــب الضـــــــــــــــــــــــائع | |
|
| |
love with out end
عدد المساهمات : 105 أفلام : 249 تاريخ التسجيل : 31/12/2009 العمر : 30
بطاقة الشخصية أغانى:
| موضوع: رد: ازاي تاكلي مع عريسك في فتره الخطوبه (كوميدي) للبنات وبس الإثنين فبراير 08, 2010 7:03 am | |
| انت لية ع طول الحب الضائع | |
|
| |
حمزه الحديدى Admin
عدد المساهمات : 310 أفلام : 378 تاريخ التسجيل : 06/01/2010 العمر : 30
بطاقة الشخصية أغانى:
| موضوع: رد: ازاي تاكلي مع عريسك في فتره الخطوبه (كوميدي) للبنات وبس الخميس فبراير 11, 2010 1:07 am | |
| علشان انا حبيت انسان كتير اوى اوى لدرجه محدش يتصورها ويوم ما اتشجعت علشان أأله اغلى كلمه [بحبك تصورى يأفل السكه فى وشى ومدنيش حتى اى فرصه انى اوضحله الموضوع وكده دايما جزات الحب الحقيقى انك تتجرح طب ممكن تإيليلى انا اعمل ايه بما انك بنت الحــــــــــــــــب الضائــــــــــــــــــــــع | |
|
| |
love with out end
عدد المساهمات : 105 أفلام : 249 تاريخ التسجيل : 31/12/2009 العمر : 30
بطاقة الشخصية أغانى:
| موضوع: رد: ازاي تاكلي مع عريسك في فتره الخطوبه (كوميدي) للبنات وبس الخميس فبراير 11, 2010 3:14 am | |
| متضعفش من اول مرة مش انت بتحبها ومتمسك بيها حاول تانى وتالت واعرف منها كويس ومتخليش الضعف يقوى عليك وحاول انك تثبت لها انك بتحبها ومستعد تعمل اى حاجة عشانها وعشان تحافظ عليها هستنى منك رد اوك ويارب يوفقك وتبقى اسعد انسان يا حمزة سلااااااااااااااااااااااااااااااام | |
|
| |
???? زائر
| موضوع: رد: ازاي تاكلي مع عريسك في فتره الخطوبه (كوميدي) للبنات وبس الخميس فبراير 11, 2010 1:36 pm | |
| بصراحه انا من رائ زى ما كنزى قالت لازم تضحى عشان توصل لان لو الموضوع بدا سهل هينتهى سهل وهى بصراحه ده المنتظر من اى بنت محترمه تقفل السكه فى وش اى حد ماتعرفوش انا لو اعرفها كنت شكرتها بجد واسف على المدا خله لو اتضيقت ولا حاجه او اتكلمت غى حاجه ماتخصنيش واتمنى التوفيق ليك وليها انشــــــــــــــــــــــــــــــــــــــاء اللـــــــــــــــــــــــــــه تحياتى spider mandoا |
|
| |
???? زائر
| موضوع: رد: ازاي تاكلي مع عريسك في فتره الخطوبه (كوميدي) للبنات وبس السبت فبراير 20, 2010 12:03 pm | |
| ههههههههههههههههههه موضوع جاااامد اوى بس فى بنات كده من غير ماتمثل قدام خطيبها على العموم موضوع جامد اوى ................... انا معاكى ياكنزى انتى وهيما فى ردكو على حمزة وبعدين وائل جسار بيقول اجمل حاجة فى الحب عذابه ههههههههههههههههه السنيــــــــــــــــــــــــــــــــــــــورة |
|
| |
حمزه الحديدى Admin
عدد المساهمات : 310 أفلام : 378 تاريخ التسجيل : 06/01/2010 العمر : 30
بطاقة الشخصية أغانى:
| موضوع: رد: ازاي تاكلي مع عريسك في فتره الخطوبه (كوميدي) للبنات وبس السبت فبراير 20, 2010 3:54 pm | |
| هههههههههههه أتضحى علشانها أنا عملت كل حاجه بس انا اوعدكم إن خلاص انا نسيت الموضوع ده علشان انا بجد انا عرفت العيب منين منى انا انا حبيت انسانه ......................................................... زى ما انت عايز تأول أول حمزه الحديدى | |
|
| |
| ازاي تاكلي مع عريسك في فتره الخطوبه (كوميدي) للبنات وبس | |
|