" برمج عقلك "

أهلا بيكم في حلقة جديدة من برمجة الدماغ...
إيه النظام؟
هنستفيد من الكلام ده كله بإيه؟؟

هاقول لك مثال:

لو بتتنافس مع واحد تعرفه حول موضوع معين...

لو شخص بصري:
هتلاقيه يستخدم كلمات(بصرية) زي:
"شايف وجهة نظري؟.. بص للموضوع من الزاوية دي.. شكله كويس..."لو شخص سمعي:
هتلاقيه يستخدم كلمات (سمعية) زي:
" اسمع.. ركز.. نشاز....."
عارف ليه؟ لأنه (سامع) الفكرة في مخه, وبيحاول يقول لك التحليل المنطقي ليها...

لو شخص شعوري:
هتلاقيه بيستخدم كلمات (شعورية) زي:
"مش مستريح للموضوع ده...."
عارف ليه؟ لأنه (حاسس) بالفكرة, وبيحاول ينقل لك مشاعره ناحيتها....فهمت بقى الفولة؟؟

يبقى لو عايز تقنع واحد بصري بحاجة: حاول ترسم له الصورة بتاعتها وبتعبيرات بصرية....
لو سمعي: اقنعه بالمنطق وبتعبيرات سمعية...
لو شعوري: اقنعه بالمشاعر والأحاسيس بتعبيرات حسية...

لعبة

تمرين 1:
عاوز تقنع واحد إنه يروح معاك السينما... هتقول له إيه؟...
لو بصري؟

لو هو سمعي؟

لو هو شعوري؟


برافو عليك.... أيوه كده....


قبل ما نختم الحلقة, تعالوا نتفرج على الأمثلة دي ونحاول نفكر فيها مع بعض:
مثال:

[font=Traditional Arabic]فرغلي: "مراتي مش بتحبني... اشتريت لها غسالة فول أتوماتيك بدل الغسالة اللى صوتها عالي اللي عندنا وصرفت نص المرتب.... وبرضه مش مبسوطة....".
التفسير: فرغلي (سمعي) يعتبر الغسالة هدية قيمة, بينما زوجته (شعورية) مش عايزة منه غير وردة أو كلمة حلوة في عيد جوازهم...
[font=Traditional Arabic]عنايات: "جوزي مش طايقني.. كل ما أكلمه يبص الناحية التانية.. سامع كل كلمة باقولها بس مش عايز يبص في وشي".
التفسير: عنايات (بصرية) تعتبر النظر شيئا مهما للتعبير عن الحب.. وجوزها سمعي بيركز عن طريق ودانه...كمان مثال:

تامر: "بصوا يا جدعان أنا مش طايق "ميدو" ده ممل قوي وعلى ما يقول كلمتين على بعض باكون نمت..."
التفسير: تامر (بصري) بيتكلم بسرعة, وميدو (شعوري) بيتكلم ببطء

كفاية كده أمثلة؟؟ لا طبعاً..

وإلى اللقاء.......................